 |
 |
|
|||||||
| ะ»°[هَمْس و تَعَالِيْل▪® :ْ:ْ..حِكَاية [قَصيِدة].. وَ قصَيٍدة [شَاعَر].. وَ شَعِر[شُعَورَ]..! |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|||||||
| ะ»°[هَمْس و تَعَالِيْل▪® :ْ:ْ..حِكَاية [قَصيِدة].. وَ قصَيٍدة [شَاعَر].. وَ شَعِر[شُعَورَ]..! |
|
|
|
أدوات الموضوع | إبحث في الموضوع | انواع عرض الموضوع |
|
#1
05-21-2009
|
|||||||||
|
|||||||||
||تقرير|| فهـــد المســآعد .. ~
 البدايات لاتنسى .. تعيش في الذاكرة مثل الأحلام .. يقف الزمن عاجزاً أمام كبرياءها وشموخها وجبروتها فيتركها تعيش كما يحلو لها .. يقول فهد المساعد عن بداياته : " في مجلة فروسة وشعر وجدت نفسي أقرأ أسمي لأول مرة على صفحات الجرائد والمجلات .. حدث هذا عام 1999 م عبر قصيدة ( دفتر أوجاعي ) .. شعرت أنني أولد مرةٍ أخرى .. شعرت أكثر بإن نصف أحلامي تحققت .. لا أتذكر بالضبط لماذا أخترت تلك المجلة .. الذي أعرفه فقط أن كبار وعمالقة الشعر كانوا يتواجدون فيها .. أحتفلت بتلك القصيدة كما يحتفل الصغار بالحلوى وهدايا العيد .. فرحت بها كما يفرح الأطفال اليتامى بالأبتسامات الغريبة ,, *** يبتعد فهد عن الشعر حتى أشعار آخر .. يبتعد ليرتمي في أحضان الماضي .. شقاوات الطفولة .. جدران المدرسة : " وقفت في طابور الصباح أول مرة في حياتي داخل مدرسة الرمحية .. تعلمت القراءة والكتابة وأغتسلت روحي بعشق أصدقاء أجمل أيام العمر .. في الرمحية وبين حاراتها وتحت سماءها وفوق أراضيها وعلى سواليف شيوخها أنضميت - بلا ذنب أقترفته يداي - إلى أولئك الذين يتبعهم الغاوون فلقد كنت أهذي بكلمات موزونه سرعان ماأكتشف أنها الشعر *** لايؤمن فهد بالإختصار .. يعتبره تجني على المستقبل .. يتفائل : "كيف تكون السيره الذاتيه مجرد تواريخ وأرقام ليس لها أي علاقة باليوم وغداً جئنا لنعيش مرةً واحدة .. مره واحده .. لو عرفنا معنى التجربة الوحيدة لأنتهت كل الأسئله .. أنها واحده فلماذا نضيعها بوقتٍ ذهب مع الريح ؟! .. لماذا نتحسر عليها ونبكي على أطلالها ؟! .. لماذا لانتعامل معها على طريقة أكون أو لا أكون .. إذا سألني أحد .. من أنت ؟ سأقول له .. جئت لأعيش مرةً واحده ,, *** يتبع ,,
|
|
05-21-2009
|
#2 | |
|
حب خآرق
|
***
القصـآئــد *** || الوصيّة || يالضلوع اللي على قلبـي توامـا ريحيني ماحصـل منـي خطيـه الخطا والله فـي حـق النشامـا الرجال أهل الشدايـد والحميـه الخوي منهـم يضيـق ولا ينامـا لين يدري وش بلا ضيقة خويـه تقعد الدنيـا وتقـوم ولا يضامـا واحدٍ منهم وشمس الكـون حيـه مثلهم يشـري عزيزيـن المقامـا مثلهم يفدى لـو العمـر الفديـه والا ذاك ان شاع ذكره وان تساما والله اني خابـره راعـي رديـه ذاك يامـا شلـت زلاتـه ويامـا قلت: عادي حتى لو يخطي عليه صاحب وحقه على مثلـي الامـا ضاقت ايدينه فزعت لـه بيديـه كانت جروحي من طعونه تدامـا وكنت أحمل نفسي حمولٍ قويـه لين شفت العمر قدامـه ترامـى وصد عني مانشدني ويش فيـه؟ يحسبنـي بـاتجاهـل واتعـامـا مادرى اني حافظٍ ذيك الوصيـه يوم ابوي يقـول والعالـم نيامـا ساعةٍ فيهـا المواجـع سرمديـه ياعيالي حتى لو صرتـوا يتامـا المعزه تـورث النفـس الغنيـه يالله اجعل منزله بـرد وسلامـا واجعله في عدن يـارب البريـه يوم راح وهرجتـه فيّـه تنامـا يوم مات وذمتـه كانـت بريّـه *** || الأســـرآر || يا رفيف الماء .. وفجر العيـد .. وأحـزان الموانـي يا أكثر أهل الأرض طيبـة قلـب .. وأسـرار دفينـه المكـان اللـي هنـا .. مليـان ضحكـات ، وأغانـي والكـلام اللـي بغيـت أقـول .. يحتـاج ل سكينـه ! شوفي الركـن البعيـد هنـاك .. كنـه صـدر حانـي هـذا هـو اللـي يليـق ب شاعـر وبنـت حزينـه! أنسـي الشـارع ، وعتمـات الزوايـا، والمبـانـي هاتـي يدينـك نلـف الغـيـم ونشـكـل مديـنـه !! عنـدي الليلـة كـلام وصمـت .. وأخـاف الثوانـي تظلمه .. أو تظلـم اللـي فيـه كـم ضاعـت سنينـه بـس لازم تسمعـيـن الـلـي أبــي ولا تـرانـي لو ب أعيده لك .. نسيت .. ورحت أقول اللي تبينـه شي واحد قبل ما أبـدأ .. مـا أبـي أي شـي ثانـي يخطر ف بالك .. وأنا أكشف لـك شعـور تجهلينـه ! إن أنا .. وبكـل مـا تحملـه "أحبـك" مـن معانـي كنت،وراح أبقى أحبك .. لين .. مدري وش هو لينه !! بـس والله ماقـدرت أنسـى .. ولا همـي نسـانـي لا ذكـرت إنسـان .. فيـه أسـرار مابينـك وبينـه كـل مـا تطـري علـي فكـرة هــواك الأولانــي أشعـر إنـي أنطعـن مليـون مـره مـن يديـنـه! أشعـر إن عيونـك.. الله مـا خلقهـا إلا عشـانـي كيف كانت تبتسـم لـه؟!.. قولـي إنـك تخدعينـه !! صورة إنـه كـان يمسـح دمعـك .. تزلـزل كيانـي وكيف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلله .. حظـي رمانـي.. بنفس الاسم اللي يقول .. بذمتـك ماهـي غبينـه !؟ وكنـي اللـي .. كـل مـا أناديـك بالاسـم الفلانـي أطلـب النسيـان .. يتـرك منـه شـي تذكرينـه !! لا تظنينـي أنانـي .. لا .. أنـا مانـيـب أنـانـي لو سلمت من الغرق . بأمـوت فـي ظهـر السفينـه! يا إني ما أكمـل وأعانـي .. أو أكمـل ثـم أعانـي.. كل ما اسمع طاري اسمه .. أو تجي عيني في عينـه! أينا كـان الضحيـه ؟.. وأينـا اللـي كـان جانـي ؟ مـدري !.. ولكـن قـراري لازم إنــك تقبليـنـه: مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه! *** || التفــآصيــل الصغيــرهـ || ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفي من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصالحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب *** أدري فيك تموت فيني وأنا ميت من برودك لي متى وانتا تبيني وماتحسسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** ياإبتسامة قلبي ولهفة حنينه ياشقاه وياحنانه يابعد كل المسافات الحزينه معك امانه الدروب اللي مشينا .. لاتضيع وتغترب بالتفاصيل الصغيره نقدر نعيش ونحب *** يتبع ,, |
|
|
|
05-21-2009
|
#3 | |
|
حب خآرق
|
***
|| بــآب النسيــآن || كـل مافـي الأرض يـنـذر بالمـفـارق والغـيـاب اللقا .. والشمس .. وحـروف الرسايـل .. والقبـور وش بقى يوم أكتشفت أن آخـر الـدرب السـراب ؟! والبحـر دمـع لسواحـل هاجـرت عنهـا الطيـور ! مالحزني صوت ؟ .. مدري هو خطـأ والا صـواب ! بس أعـرف أنـي حزيـن وصوتـي الليلـه جهـور مـن يدّثـر صوتـي الليلـه ويكسـب لـه ثـواب ؟! مالهـا يالشعـر غيـرك أنـت .. ياجبـر الكـسـور يكفـي أنـي .. لابكيـت بدونـك أشعـر بإرتـيـاب وكل ماأبكي فيك .. أشوفك لي .. عن اللي فيّ .. سور أدري بيوتـك عرايـا .. لـكـن أوزانــك ثـيـاب لبّـس جروحـي مـن أحزانـك وألبّسـك الصـدور كـان يـامـا كــان والنسـيـان للعـشّـاق بــاب عاشق ٍ لاشـدّ درفـة بـاب .. صـاح بـلا شعـور : يقـدر النسيـان ينـزع غصـن مـن فـوق التـراب بــس مايـقـدر يـقـرّب للـتـراب ولـلـجـذور كيـف أبنسـى ذكريـات الطيـش الأول .. والشبـاب ورفقـة الليـل العتيقـه .. وأول الفجـر الطـهـور والمواعيـد وشغبهـا .. والـولـه قـبـل العـتـاب وساعـة ٍ كـم كنـت أحـاول فـي عقاربهـا تـدور والمكـان اللـي وهـن سقفـه مـن الفرقـا وشـاب مـن بعـد ماكـان يحضّنـا مثـل طـفـل ٍ غـيـور والمطـر لا لـوّن الشـارع .. وقلـنـا للسـحـاب : بلـلّ أيدينـا .. تـرى العشّـاق أياديـهـم زهــور كيـف أبنسـى والريـاض لسيرتـي مثـل الكتـاب ! حافظتني بيت بيـت .. و حـي حـي .. و دوُر دوُر مـن كثـر ماكنـت أدوّر فـي شوارعهـا جـواب : هو صحيح الحب أعمى ! أو عيـون النـاس عـور ؟! كنت أشوف الحب عذب .. وهـم يشوفونـه عـذاب ! كان هـذا الحـب سـر ! .. وقلتـه وكلـي سـرور علمّونـي فـي المدينـه كـيـف لاحبـيـت أهــاب لكـن القريـه قمرهـا قـال : كُـن للـحـب نــور في بلادي كنت عاشـق .. بـس شاعـر بإغتـراب ! ليـن صـرت الشاعـر اللـي تعشقـه كـل البحـور علمّينـي يالقصايـد هـو خـطـأ والا صــواب ؟! لارفضـت أنسـى عيـون ٍ عشتهـا شعـر وشعـور هذا أنا لحالي .. هزيـل الحـال .. وأشعـر بإكتئـاب كـن قلبـي جـال بحـر ٍ هاجـرت عنـه الطـيـور أجرع الفرقا وأقـول الحـب عـذب .. وللعـذاب .. كـل قلـب ٍ لاحرمـه الوقـت مـن خلّـه .. يبـور ولين هـذا اليـوم أدوّر فـي المدينـه عـن جـواب : ليه في شرعك .. يكـون الحـب معنـى للفجـور ؟!! *** || حبيت أوضــح لكـ || في عز ماكنت أهوجس فيك وافتح لـك أبـواب قلبـي خذتنـي رجلـي لبابـك وجيتك وأنا مااذكر إني كنت رايـح لـك بس اذكـر انـي كـذا لاطـول غيابـك ياما ترددت مدري كيـف بشـرح لـك أجيك وارجع .. أبيك تقول وش جابـك ياابن الأوادم تـرى مليـت ألمـح لـك أنا أعزك .. وأحبك .. واعشق ترابـك لاضقت اضيق .. ومتى ماتفرح أفرح لك ولاغبت أموت ومتى ماشفتـك احيابـك ان كـان ودك ترسيّنـي علـى كحلـك لمّيت عمري .. وخاويتك على أهدابـك لكن قبل تنجرف .. حبيت أوضـح لـك مستقبلي في يدينك .. وأعمـل حسابـك لوضاع مستقبلي مانيـب سامـح لـك يكفيني الماضي اللـي ضـاع بأسبابـك *** || أعزّ النآس فـ عيونكـ || صوت حبيبي وقبل اقول ياعونك شكى جروحه ورحت اشكي له طعوني يقول مقدر اعيش اليوم من دونك وقول حتى ولو ماعشت من دوني يمكن انا اكون اعز انسان في عيونك بس انت والله كل الناس في عيوني لا صرت ربعي و داري وتيت جفوني وش دخل الناس خل الناس يجفوني يكفيني ان انت لا قلت وش لونك تطيب كل الجروح ويختلف لوني وان كان منت مصدقني على هونك تعال طالع دروبك وين ودوني اصبحت اجامل اعداي اللي يحبونك وكره مشاهد اعداك اللي يحبوني ومن كثر ماحب وكره عنك وصونك اصبحت دفتر مشاعر ونت مضموني و ان غبت عني شعرت بلذة طعونك وان شفت زولك شعرت بقيمة بعيوني *** يتبع ,, |
|
|
|
05-21-2009
|
#4 | |
|
حب خآرق
|
***
مقـــآ لات صحفيــه (( 1)) جعل إحساسه الصادق بريد وصوله لنا فهد المساعد يؤكد أن أعذب الشعر أصدقه!! فهد المساعد.. من أعذب الشعراء الشعبيين على مستوى الخليج العربي، وسر عذوبته هو صدق إحساسه.. وصدق تعامله مع النص الشاعري، مشاعره تأتي متدفقة دون تكلف.. ودون زخرفة تحيد بها عن مسارها الصحيح.. لذا هي تنبعث من قلبه إلى قلوبنا.. هدية!! بساطة في تركيب الصورة العميقة ذات الأبعاد الثلاثية والتي لا يرسها إلا شاعر صادق: هديتهم قفص وطيور.. قلت ف.. عيد ميلادك اسوي مثلهم.. واهديك طير في قفص صدري بحث!! بعفويته المعتادة يقدم حالة البحث ولهاث الباحث في تركيبة خاصة به: جايز أنك في غيابي تقلب الدنيا علي بس أنا من قبل اعرفك قالب الدنيا عليك حال!! قريب من القلب وقريب من الواقع وهذا سر صدقه الشاعري لذلك لا يجد صعوبة في تقديم الشعر القريب جدا إلى أذواقنا: جتني مراسيله تشب القناديل ومعها سؤال جاوبته النحايل يقول: كيف الحال بعد المراسيل وأقول: مثل الحال قبل الرسايل خيار!! طرد المقفي مثل طرد العذاريب وأنا تعبت ابلع مشاريه الأعراب أما تعالي واقطعي دابر الريب والا انسي أني كنت أنا وانتي أحباب إثبات!! وان كان منتب مصدقني.. على هونك تعال طالع دروبك وين ودوني أصبحت أجامل عداي اللي يحبونك وأكره مشاهد عداك اللي يحبوني ومن كثر ما أحب واكره عنك وأصونك أصبحت دفتر مشاعر وأنت مضموني ان غبت عني شعرت بلذة طعونك وان شفت زولك شعرت بقيمة عيوني ان كان ودك ترسيني على كحلك لميت عمري وخاويتك على اهدابك لكن قبل تنجرف حبيت أوضح لك مستقبلي في يدينك.. واعمل حسابك لو ضاع مستقبلي ما نيب سامح لك يكفيني الماضي اللي ضاع باسبابك.. *** (( 2 )) بيت ورؤية يبه وأنا من بعدك أبو التناهيت ما مر طعمٍ للحزن ما نهمته منقول من جريدة الرياض الحزن مذاقه مر ولا شك انه صفة من صفات الإنسان.. من تذوقه يشعر بشدة الألم، وقسوة الحياة، والانكسار فهناك الكثير ممن يعانون من الحزن والبعض منهم رسمت ملامحه على وجوههم لأسباب كثيرة عانوا منها في حياتهم وعاشت معهم وهذه من أقدار الخالق عز وجل. وشاعرنا الخلوق فهد المساعد أعتقد أنه أحد هؤلاء الناس بل أجزم أن قلبه يفيض بالحزن ومسكون بالألم فقد لمست ذلك من خلال أشعاره الجميلة والمتميزة ولعل هذا البيت يؤكد لنا أنه ممن عانوا الحزن وقد تذوقه على طريقته الخاصة، فطبيعة الإنسان أن يحزن في حياته اذا فقد شيئاً غالياً فما بالكم اذا كان الإنسان قد فقد والده فما هو شعوره؟.. هذا صعب جداً جداً.. يبه وأنا من بعدك أبو التناهيت ما مر طعمٍ للحزن ما نهمته صدقت يافهد فقد عبرت عما يجول في قلوبنا فأنا من الأشخاص الذين أثر فيهم هذا البيت فقد فقدت والدي بسبب مرضه وعندما قرأت هذا البيت توقفت عنده واعترف أن قلمي لن يستطيع أن يوفي حقه من التفسير وشرح ما تتطلبه هذه الزاوية من الرؤى.. فقد لامس الجروح، وأثار فينا الحزن فكان مذاقه مراً ومؤلماً ,, *** (( 3 )) يقول طه حسين: (بورك بمن جمع همة الشباب وحكمة الشيوخ) وعندما نسمع مفردة حكيم تتبادر إلى أذهاننا صورة شيخ كبير أشيب تغطي التجاعيد صفحات وجهه، لكن الشاعر فهد المساعد كسر هذه القاعدة فجمع الحكمة من نظرته المتأملة وتجاربه الحياتية وإحساسه العذب وصبها في قالب روحه الشبابية. يانفس طالت ليالي غيّنا فوقي .. كم قلت يا لله وقلتي تونا باقي هنا يخطاب ذاته بحكمته عاملا بمبدأ (ابدأ بنفسك حتى تنطلق للآخرين) ومنه نتعلم هذا الدرس ونسير معه على نفس هذا النهج. يجلد نفسه ويحارب رغباته ويكبح جماح هواه لم كل هذا..؟؟ ذكرهم إن الأعمار إن طالت وطالوا.. ... الخالد الذكر ولا الموت قافيهم.. وكفى بالموت واعظا هذا هو المبدأ الآخر الذي يود إيصاله لنا ويجيب فيه على تساؤلنا السابق. وإن ألقينا الضوء على جانب آخر من الحكمة في شعره لوجدنا العديد من الحكم والمبادئ المرسومة بحروفه بكل ما أوتي من حرفنة وتجربة وظف الكثير من الأشياء في شعره وصقل جانب الحكمة وأبرز لنا العبر والشعر أول ما قام بتوظيف القصيد إن كان ما أنصف شاعره لاجا مجاله ... وش نبي به يوم نكتب فيه ونحطه قضيه جانب مضيء آخر بشعره ألا وهو الدمعة وأنا أعتبر خروجها لا يكون إلا من إحساس صادق كيف قام شاعرنا بتوظيفها..؟؟ الدمع ما هو عيب رح علم اللي .. يقول عمره ما بكي في حياته الدمع ما يقطع صلاة المصلي .. والضحك مثل إبليس يقطع صلاته الحكمة واضحه في هذا البيت وتتجلى في بعد النظر للرد على من يعيب البكاء أو يستهجن دمعة الرجال. والجميل في هذا البيت أنه لم يقل لهم إن الدمع ليس عيباً وكفى بل استشهد لهم بالدليل القاطع وهذا يدل على قوة الحجة التي لا يتصف بها سوى الحكماء وبنباهة حكيم وحتى لايملأ شاعرنا العالم بالدموع يقول: ماقد سمعنا رجّع الدمع غالين.. .. ولاسمعنا رد دمع المصايب.. وكأنه يود إخبارنا أن الحياة وسط وهنا تتبين الحكمة وأثناء بحثي عن الحكمة في أبيات الشاعر فهد المساعد لفت انتباهي شيء مثير لم أجده في قصيدة واحدة بل بالعديد من قصائده وهو ما يثبت مصداقية كلامي أن الحكمة مغروسة في روح فهد. الناس كل على دربه ومنهاجه.. ... وأنا عن الناس مابه شيء يفرقني.. استخدم صيغة الجمع لأنه يعتبر نفسه واحداً من الناس يهمه ما يهمهم ويشغله ما يشغلهم، ألا ترون معي أن هذا المبدأ حكيم..؟؟ أترك الإجابة لكم.. *** يتبع ,, |
|
|
|
05-21-2009
|
#5 | |
|
حب خآرق
|
***
الخآتــــــمه فهد المساعد شاعر يحمل من الأحاسيس ما يكفي لزعزعة الكثير من المشآعر وبعثرتها بجدآرهـ كلماته لا تقل روعة عن حكمته و أسلوبه و أفكآرهـ ,, أحببت أن أضع بين أيديكم هذا التقرير لشآعر يستحق أن يُبذَل له الجهد لنشر كتاباته الجميلة أتمنى أن تنآل على إعجبآبكم ,, *** lonely *** |
|
|
|
03-19-2010
|
#8 | |
|
.:عضوةمتميزة:.
|
جناااااااااااااااااااااااان ..
مششكورآ خيتوا |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| دوري أبطال أوروبا 2009 - 2010 - دور 8 - إياب [ تقرير + أهداف المباراتين ] | ع ـذب المعاني | ":ْ الريآضة العربيہ والعآلميہ..•▪ | 2 | 05-14-2010 10:42 PM |
|
العرض العادي
